Эрэлт ба нийлүүлэлтийн бүтэц өөрчлөгдсөний улмаас үүссэн инфляцыг бүтцийн инфляц гэнэ. Ийм өөрчлөлтийн дүнд зарим салбарын бүтээгдэхүүний эрэлт нэмэгдэж, заримынх нь буурдаг. Бүтээгдэхүүний үйлдвэрлэлээ багасгаж буй салбарт үнэ ба цалин уян хатан биш, өөрөөр хэлбэл, үйлдвэрлэлийн бууралтаас хамаарахгүй хэвээр байгаа бол бүтээгдэхүүнээ нэмэгдүүлж буй салбарт үнэ ба цалин өсөх бөгөөд энэ бүхний дүнд үнэ, цалингийн ерөнхий түвшин өснө. Энэ нөхцөл байдал нийлүүлэлт нь өөрчлөлтийг дагаж уян хатан өөрчлөгдөж чадахгүй тохиолдолд улам батжин үргэлжилнэ. Үүнээс үзэхэд үйлдвэрлэгч нь эдийн засаг дахь эрэлт, нийлүүлэлтийн өөрчлөлтийг шуурхай тусган авч, үйлдвэрлэлийн бүтцээ түүнд нийцүүлж чадахгүй нөхцөлд бүтцийн инфляц үүсдэг байна.