Валют: "Valuta"- өртөг гэсэн Итали үгнээс гаралтай бөгөөд үндэсний болон гадаад орны мөнгөн тэмдэгт, олон улсын төлбөр тооцоонд ашиглагдаж буй вексель, чех зэрэг төлбөрийн хэрэгслүүдийг ерөнхийд нэрлэсэн ойлголт. Энэ нь нэгд, тухайн улсын мөнгөний тогтолцоог бүрдүүлэгч мөнгөний нэгж, хоёрт, улсын мөнгөний тогтолцооны хэв шинж, гуравт, гадаад мөнгөний нэгжээр илэрхийлэгдсэн, олон улсын төлбөр тооцоонд ашиглагддаг эргэлтийн болон төлбөрийн зээлийн хэрэгслүүд, дөрөвт, Засгийн газар хоорондын валют зээлийн байгууллагуудад адил хэрэглэгддэг улс хоорондын мөнгөний нэгж болно.

Валютын арбитраж: Валютын арбитраж нь тодорхой хугацааны туршид ханшны хэлбэлзлийг тооцон юуны өмнө ашиг олох зорилгоор дараагийн хэлцэл хийж валют худалдан авах гүйлгээний үйл явц юм.

Валютын гуйвуулга:Үндэсний болон гадаад валютыг нэг орноос нөгөө рүү шилжүүлэх банкны гүйлгээ бөгөөд банкны ажил үйлчилгээний нэг хэлбэр.