Арилжааны банкнаас зээл авахын тулд уг банканд барьцаа болгосон эд хөрөнгийг барьцаа хөрөнгө гэнэ. Барьцаа хөрөнгө нь барилга, орон сууц, газар зэрэг үл хөдлөх хөрөнгө, түргэн борлогдох бараа, материал, үнэт эдлэл, үнэт цаас, тээврийн хэрэгсэл зэрэг янз бүрийн төрөл байж болно. Банкнаас мөнгө зээлдэгч зээлсэн мөнгөө эргүүлэн төлж чадахгүй болсон нөхцөлд барьцаа хөрөнгө банкны мэдэлд шилжинэ. Банкны тухай Монгол Улсын хуульд банк хугацаандаа төлөгдөөгүй зээл, хүүгийн төлбөрт зээлдэгчийн өмчлөлд байгаа эд хөрөнгө, хувьцаа, түүний ногдол ашгийг гэрээ болон шүүхийн шийдвэрийн үндсэн дээр авч болох тухай заасан.

Арилжааны банк барьцаа хөрөнгийг борлуулж алдагдлаа нөхдөг. Үүнд, зээлдэгчийн зөвшөөрлийн үндсэн дээр барьцаа хөрөнгийг олон нийтэд зарлаж борлуулна. Мөн шүүхийн шийдвэрийн дагуу барьцаа хөрөнгийг нийтэд худалддаг. Хэрэв барьцаа хөрөнгө худалдагдаагүй бол түүнийг банканд буцаан өгдөг бөгөөд банк түүнийг борлуулуах ажлыг өөрөө хийнэ. Жишээ нь: барьцаа орон сууцийг түргэн борлуулахын тулд худалдан авагчид зээл олгодог.