Орлого болон хөрөнгөд татварыг давхардуулан ногдуулахаас сэргийлж татвар ногдуулах эрх зүйг улс хооронд ижилсгэн зохицуулж буй хэлэлцээрийг хэлнэ. Энэ хэлэлцээрээр хоёрдмол иргэншлийн болон орлогын хоёрдмол эх үүсвэрийг шийдвэрлэх журмыг тогтоон татвар ногдуулах орлогын нэр төрлийг тодорхойлж, оролцогч талуудын татвар ногдуулах эрхийг шийдвэрлэдэг. Хэлэлцээр нь ийнхүү санхүүгийн ил тод орчоныг бий болгодог тул бизнес эрхлэгч татварыг хоёр улсад давхар төлөхөөс чөлөөлөгдөж, оролцогч улсууд хоорондын хөрөнгө оруулалтын зэрэг эдийн засгийн харилцаанд таатай нөхцөл бүрдүүлнэ.