Кеннет Арроу 1963 онд бичсэн өгүүлэлдээ эрүүл мэндийн эдийн засгийг шинжлэх ухааны бие даасан салбар хэмээн үзсэн байна. Тэрээр эрүүл мэндийн үйлчилгээ нь бусад бараа бүтээгдэхүүнээс ялгаатай болохыг нотолсон. Засгийн газрын өргөн хүрээтэй оролцоо, тодорхойгүй байдал, тэгш бус мэдээлэл, нэвтрэхэд учрах саад, гадаад хүчин зүйлс, гуравдагч этгээдийн оролцоо зэрэг нь эрүүл мэндийн эдийн засгийг бусад салбараас ялгах хүчин зүйлүүд болно. Гуравдагч этгээд гэдэг нь эрүүл мэндийн даатгалын байгууллага юм. Өвчтөний эдгэрэх магадлал тодорхой биш байдаг нь тус салбарын нэг онцлог юм. Эмч ба өвчтөн хоёрын мэдлэг өөр байдгаас тэгш бус мэдээлэл үүсдэг бөгөөд энэ нь эмчид давуу байдал олгодог.