"Exporto" гэсэн латин үгнээс гаралтай, тухайн улсын хил боомтоос бараа, үйлчилгээг гаргах гэсэн утгатай. Тухайн оронд үйлдвэрлэсэн бараа, үйлчилгээг гадаад оронд гаргаж худалдах ажиллагааг экспорт гэнэ. Харин гадаад орноос бараа, үйлчилгээг худалдан авах ажиллагааг импорт гэнэ. Экспортын үр дүнг гадаад худалдааны тэнцэл буюу экспорт, импортын зөрүүгээр дүгнэдэг бөгөөд экспорт нь импортоос илүү байвал уг тэнцлийг ашигтай буюу эерэг дүнтэй гэнэ, харин импорт нь экспортоос илүү байвал алдагдалтай гэнэ. Аливаа орны гадаад худалдааны гол зорилго бол түүний тэнцлийг ашигтай байлгах явдал юм.