Эдийн засгийн хууль, зарчим, зүй тогтлыг судлахад ашигладаг шинжлэх ухааны арга, хэрэгслүүдийг эдийн засгийн арга зүй гэнэ. Үүнд эдийн засгийн судалгааны хамрах хүрээ, зорилгыг тодорхойлох, таамаглал дэвшүүлэх, эдийн засгийн онол, үзэл баримтлал, түүний үндсэн зарчмуудыг практикт хэрэглэх боломж; позитив ба норматив эдийн засгийн үүрэг; хийсвэрлэл, ажиглалт, туршилт, судалгаагаар тухайн объектын өөрчлөлтийн хандлага, зүй тогтлыг илрүүлэх; эдийн засгийн судалгаанд эконометрик, математик болон математик-эдийн засгийн аргуудыг хэрэглэх зэрэг асуудал багтана. Эдийн засгийн салбар ухаанууд дээрх ерөнхий арга зүйг өөрсдийн онцлогт тохируулан хэрэглэхээс гадна өөрийн гэсэн арга хэрэгслийг бас ашигладаг.