Эдийн засгийн системийн шинжилгээ бол эдийн засгийг тогтолцоог бүхэлд нь судлах үйл ажиллагаа юм. Уг шинжилгээг хийдэг гол салбар шинжлэх ухаан нь макро эдийн засгийн ухаан юм. Энэ нь үйлдвэрлэлийн хэмжээг өсгөж, ажилгүйдлийг багасгах, инфляцыг бууруулах, эдийн засгийн өсөлтийн хурдцыг нэмэгдүүлэх асуудлыг голчлон судална. Ингэхдээ төрийн сангийн бодлого, мөнгөний бодлого, орлогын бодлого гэсэн аргуудыг хэрэглэнэ.

Эдийн засгийн системийн судалгаа нь нийт нийгмийн байгууллыг хөнддөг өргөн хүрээтэй учир системийн хандлага, арга зайлшгүй хэрэгтэй. Энэ нь судалж буй системийн хувьсах ба тогтмол элементүүдийн хоорондын хэлхээ холбоо, харилцан хамаарлыг танин мэдэх арга, өөрөөр хэлбэл, тухайн бүтцийн мөн чанарыг түүнийг бүрдүүлэгч хэсгүүдийг болон тэдгээрийн харилцан үйлчлэлийг судалснаар илрүүлэх арга юм.

Эдийн засгийн системийн судалгаанд бас эдийн засаг-математик арга, эконометрикийн арга чухал үүрэгтэй.