Форвард гэрээ гэдэг нь тодорхой нэр төрлийн бараа, үйлчилгээний тоо хэмжээ, үнийг ирээдүйд худалдах буюу худалдан авахаар тохиролцсон хоёр талын гэрээ юм. Форвард зах зээл нь үйлдвэрлэгч болон хэрэглэгчийн үнийг тогтворгүй байдлаас зайлсхийх хүсэл эрмэлзэлтэй хамт үүсэж хөгжиж иржээ. XVIII зууны эцсээр Ливерпүүлийн барааны зах зээл дээр далайн чанадаас ачигдан хараахан ирээгүй байгаа бараа таваар дээр үнэ, чанар, тоо хэмжээний гэрээ хэлцэл хийдэг байжээ. Бараа хүрэлцэн ирэхэд гэрээ хийсэн хоёр тал гэрээнд тусгагдсан зүйлүүдийг шалган авч төлбөрөө хийсний дараа гэрээ дуусгавар болно.

Орчин үед форвард зах зээл дээр гол төлөв валютын ханшны үйл ажиллагаа олон улсын хэмжээнд худалдаалагддаг буудай, кофе, бензин гэх мэт таваарын арилжаа хийгдэж байна. Тус гэрээ нь дараах хоёр боломжийг олгодог:

1. Түүхий эдийн үнэ өснө гэж үзэж байгаа бол тухайн ханшаар худалдаж аваад үйлдвэрлэл эхлэх хугацаа болтол хадгалах боломжтой. Энэ нь хадгалалтын зардал, алдагдсан боломжийн зардал гарах сул талтай.
2. Форвард зах зээл оршин байгаа тохиолдолд үйлдвэрлэгч форвард зах зээл дээрээ түүхий эдээ худалдан авах боломжтой.

Форвардын гэрээ нь зохион байгуулагдсан зах зээл дээр арилжаалагддаггүй, гол төлөв мэдээлэл технологийн харилцаагаар тохиролцож хийгддэг онцлогтой байна.