1. нэг хүнд ногдох дотоодын нийт бүтээгдэхүүн;
2. нийгмийн баталгаа, дэмжлэг;
3. дундаж наслалт;
4. амьдралын сонголт хийх эрх чөлөө;
5. өгөөмөр байдал;
6. авлигад хандах хандлага зэрэг үзүүлэлтийг жигнэн ашиглаж, 0-10 гэсэн дүнгээр үнэлдэг ажээ. 

Эндээс харахад амьдралын чанар гэдэг ойлголт зөвхөн эдийн засгийн үзүүлэлтээр биш эрх чөлөө, сайн засаглал, нийгмийн аюулгүй байдал зэрэг нийгмийн ойлголтуудаар хэмжигдэх болжээ.

2019 оны дэлхийн аз жаргалын индексийг тооцож гаргахад Финланд улс тэргүүлж, Дани, Норвег, Исланд, Нидерланд улсууд удаалжээ. Монгол Улсын аз жаргалын индекс 2013-2020 онд дунджаар 5.06 байсан бол 2020 онд 5.46 болж өсжээ.