Харилцагчийн төлбөрийн чадварыг үнэлэхдээ С үсгээр эхэлсэн 5 гол шалгуурыг хэрхэн хангаж байгааг тодорхойлно. Үүнд:

1. Character. Энэ нь харилцагчийн өнгөрсөн хугацааны үйл ажилла- гааны түүх, зээл авалт, төлөлт, хууль шүүхэд дуудагдаж байсан байдал, харилцагчийн төлөв байдал, зан төлөвийг харуулна.
2. Capacity. Төлбөрийн чадвар, зээл төлөх чадварыг үнэлэхийн тулд санхүүгийн тайлангийн шинжилгээ, хөрвөх чадвар, өрийн харьцааг нь сонирхоно.
3. Capital. Санхүүгийн чадавх, өмчлөлийн байдал, өөрийн ба зээлийн эх үүсвэрийн харьцаа, ашигт ажиллагааг үнэлнэ.
4. Collateral. Зээлийг баталгаажуулах барьцаа хөрөнгийн байдал, тэдгээрийн дансны үнэ, өртөг, эзэмшил гэх мэт зүйлийг судална.
5. Condition. Зээлдэгч, зээлдүүлэгчийн үйл ажиллагаанд нөлөөлж болох эдийн засаг, бизнесийн нөхцөлийг судална.