Зохиомол нөхцөлд хязгаарлагдмал туршилт хийх байдлаар эдийн засгийн обьект, үйл явцыг дуурайлган бүтээх үйл явцыг загварчлал гэнэ. Эдийн засагт түүнийг эдийн засгийн математик загварчлалыг хэрэглэдэг. Загварчлал нь дотроо олон төрөлтэй. Оновчлолын загварчлалын суурь нь шугаман ба шугаман бус программчлал бөгөөд эдийн засгийн бодлогыг тодорхой зорилгын функцийн экстремум утгыг хангаж байхаар тооцож гаргадаг арга юм. Эконометрикийн загварчлал нь эдийн засгийн тэнцвэр, үндэсний орлого, орц гарцын шинжилгээний статистик аргууд, үндэсний тооцооны системийн тусламжтайгаар гүйцэтгэдэг арга юм. Харин имитацын загварчлал нь оновчлолын ба эконометрикийн загварыг хүн-машины диалог дээр тулгуурлан экспертийн үнэлгээ хийх замаар тооцдог арга болно. Эдийн засгийн математик загварчлал нь математикийн эдийн засгийн онол, шинжлэх ухааны зааг дээр оршин байдаг ба загварчлалын обьект нь нийгэм-эдийн засгийн үйл явц, микро, макро эдийн засгийн онол дээр тулгуурлаж, дээд математик, шугаман алгебр, математик програмчлал, математик статистикийг үндсэн аргаа болгодог.

Эдийн засгийн Математик загварчлал нь 1960-аад оны сүүл үеэс өнөөг хүртэл шинжлэх ухааны салбарын түвшинд хүртлээ хөгжсөн бөгөөд үүнд үнэтэй хувь нэмэр оруулсан хүмүүсийн тоонд оросын эрдэмтэн Канторович Л.В, Немчинов В.С, Аганбегян А.Г, Багриновский К.А, Гранберг А.Г, Кардаш В.Л, Новожилов В.В, Крылатых Э.Н, Гатаулин А.М, Америкийн эрдэмтэн Леонтиев В, Данциг Ж, Вульф Ф, Кулманс Т.С, Кун Х.В, Таккер А.В нарын олон эрдэмтэд зүй ёсоор орно. Монгол оронд эдийн засгийн Математик загварчлал хөгжүүлэхэд Д.Бямбасүрэн, С.Будням, Л.Гүржав, Т.Дорж, Н.Логи, С.Нямзагд, Л.Нямбат, Б.Пүрэв нарын эрдэмтэд зүй ёсоор орно.