Ажилгүйдэл өндөр байх нь эдийн засгийн ба нийгмийн сөрөг нөлөөтэй. Ажилгүйдэл нэмэгдэх нь их хэмжээний бүтээгдэхүүн, үйлчилгээ үйлдвэрлэх боломжийг алдагдуулдаг. Тухайлбал, АНУ-ын их хямралын үед (1929-1939) ажилгүйдлийн түвшин 18.2 хувьд хүрч, 2.8 их наяд долларын (1987 оны үнээр) бүтээгдэхүүн, үйлчилгээ үйлдвэрлэх боломжийг алджээ. Үүнд ажилгүйдлийн эдийн засгийн үр дагавар оршино.

 

Ажилгүйдлийн нийгмийн үp дагавар бол эдийн засгийнхаас ч илүү их юм. Ажилгүйдэл нь хүмүүсийн амьдралын түвшнийг бууруулаад зогсохгүй бас биеийн болон сэтгэл санааны эрүүл мэндийг доройтуулдаг. Доктор М.Харвей Бреннер ажилгүйдлийн нөлөөг судалж, АНУ-д 6 жилийн турш ажилгүйдэл 1 хувиар өсөхөд 37000 хүн цаг бусаар нас барж буйг тогтоожээ.