Шалгуур гэж эдийн засгийн аливаа асуудлын стратегийн болон төлөвлөлтийн зорилт, арга хэмжээний хэрэгжилтийн үе шат бүрд бий болох өөрчлөлтийг хэмжихээр урьдчилан тодорхойлсон чанарын болон тоон үзүүлэлтийг хэлнэ. Төлөвлөгөөнд шалгуур үзүүлэлтийг хэдий чинээ тодорхой, хэмжиж болохуйц, бодитой тусгана төдий чинээ хийж хэрэгжүүлсэн ажлын үр дүнг нарийн хэмжиж, сайн гүйцэтгэлийг урамшуулах, саар гүйцэтгэлд хариуцлага тооцох боломжтой болно. Нийтлэг байдлаар аливаа шалгуур нь хэмжиж болохуйц, тодорхой, тухайн асуудлын гол үр дүнг илэрхийлж чадахуйц байх гэсэн шаардлагыг хангасан байх ёстой юм. Шалгуур нь тоон, чанарын болон хугацааны хэмжүүртэй байна. Шалгуурын TOOH үзүүлэлт нь тодорхой хэмжих нэгжтэй бөгөөд тоогоор илэрхийлэгдэх бол чанарын үзүүлэлт нь холбогдох хууль, тогтоомжид бүрэн нийцсэн байх, өмнөх үеэс чанарын ахиц дэвшил гарсан байх; хугацааны үзүүлэлт нь сар, улирал, жил гэх мэт тодорхой хугацааны эцэст бүрэн хэрэгжсэн байх зэрэг үзүүлэлтээр хэмжигдэнэ.