Ерөнхий утгаар үйлдвэрлэлийн аливаа орц гарц буюу бүтээгдэхүүн, үйлчилгээ болгон хувиргаж буй үйл явцыг технологи гэнэ. Өөрөөр хэлбэл, оюуны бүтээлийг хэрэглээний бүтээгдэхүүн болгон хувиргахад чиглэгдсэн хүн, техник, мэдээлэл, зохион технологи байгуулалтын харилцан уялдаатай үйл ажиллагааг хэрэгжүүлэх аргуудын цогцыг нэрлэдэг байна. Технологийг дараах төрөлд хуваадаг. Үүнд:

• Бүтээгдэхүүний технологи (product technology);
• Үйл ажиллагааны технологи (process technology) байна.

Бүтээгдэхүүний технологи нь тухайн бүтээгдэхүүний загварын бүрдэл хэсгүүд, тэдгээрийг үйлдвэрлэх хэсэгчилсэн болон бүрэн ноу-хауг багтаасан шинэчлэл хийх шилжилт мөн. Одоо байгаа болон шинэ бүтээгдэхүүн, түүний эд ангийн үйлдвэрлэлтэй холбоотой технологийн шилжилтийг үйл ажиллагааны технологи гэнэ. Технологи нь биет бус техник болон программ хангамжийн хэлбэртэй ч байж болно. Орчин үед мэдээлэл харилцааны дэвшилд тулгуурласан удирдлагын ухаалаг технологийг өргөн хэрэглэх болсон байна. Бүтээгдэхүүний болон үйл ажиллагааны технологи нь үйлдвэрлэлийн зардлыг бууруулж, бүтээмжийг нэмэгдүүлэхэд чухал үүрэгтэй. Үйлдвэрлэлийн зардлыг хямдруулах боломжийг олгох шинэ технологи нь үйлдвэрлэлийн хүчин чадлыг явц нэмэгдүүлэхтэй тэнцэхүйц үйл юм. Шинэ технологи нэвтрүүлэх нь хөдөлмөрийн бүтээмжийг нэмэгдүүлэх боломжийг олгоно.