Төлбөрийн тэнцэл гэж тодорхой хугацаанд, тухайн улсын эдийн засгийн харьяат болон харьяат бус субъектийн хооронд хийсэн худалдаа, үйлчилгээ, орлого, урсгал шилжүүлэг, санхүүгийн болон хөрөнгийн урсгалын орлого, зарлагын гүйлгээг нэгтгэсэн статистикийн тайлан юм. Төлбөрийн тэнцэл урсгал данс, хөрөнгийн данс, санхүүгийн данс гэсэн 3 хэсгээс бүрдэнэ. Урсгал данс нь эдийн засгийн харьяат болон харьяат бус субъектийн хоорондох бараа, үйлчилгээ, анхдагч орлого, орлогын дахин хуваарилалтын урсгалыг харуулах бөгөөд бараа, үйлчилгээ, орлого, урсгал шилжүүлгийн нийлбэрээс бүрдэнэ.