Бүтээгдэхүүний өрсөлдөх чадвар нь нэг талаас бүтээгдэхүүний чанар, түүний техникийн түвшин, хэрэглээний шинжээр, нөгөө талаас бүтээгдэхүүн худалдагчдын тогтоосон нийлүүлэлтийн үнээр тодорхойлогдоно. Мөн бүтээгдэхүүний хийц, загвар, худалдаж байгаа үеийн болон худалдсаны дараах үеийн үйлчилгээ, зар сурталчилгаа, үйлдвэрлэгчийн нэр хүнд, өрсөлдөгчдийн тоо, эрэлтийн хэлбэлзэл бүтээгдэхүүний өрсөлдөх чадварт нөлөөлнө.

Дэлхийн өрсөлдөх чадварын төвөөс өрсөлдөх чадвар гэдгийг "тухайн улсын иргэдийн хөгжил, дэвшил, хувийн хэвшил, бизнесийн нэмүү өртөг бүтээх явцыг сайжруулах, бизнес эрхлэх таа- тай орчныг бүтээх чадвар" ХЭМЭЭН тодорхойлжээ. Түүнчлэн улс орнуудын өрсөлдөх чадварыг тогтоож харьцуулах, тэгэхдээ тухайн орны бүтээмжийн түвшнийг гол хэмжүүр болгон үзэх болжээ. 2004 онд дэлхийн өрсөлдөх чадварын индексийг боловсруулсан бөгөөд түүнд дараах үзүүлэлтийг багтаасан байна. Үүнд:

1. Институц
2. Дэд бүтцийн зохист бүтэц,
3. Макро эдийн засгийн тогтвортой байдал,
4. Эрүүл мэнд ба бага боловсролын тогтолцоо,
5. Дээд боловсролын чанар,
6. Барааны үр ашигтай зах зээл,
7. Хөдөлмөрийн үр ашигтай зах зээл, 8. Санхүүгийн хөгжингүй зах зээл,
8. Орчин үеийн технологийг эзэмших, ашиглах боломж, чадвар,
9. Зах зээлийн багтаамж (дотоод болон олон улсын),
10. Шинэ бараа бүтээгдэхүүний үйлдвэрлэл,
11. Инновац