Төв банкнаас арилжааны банкнуудад тогтоодог заавал байлгах нөөцийн хувь хэмжээ нь мөнгөний нийлүүлэлтийг хянах, банкны төлбөр түргэн гүйцэтгэх чадварыг хангах талаарх мөнгөний бодлогын чухал хэрэгсэл юм. Энэ тухай Төв банк (Монгол банк)-ны тухай хуульд:

1. Монгол банк иргэн, хуулийн этгээдийн банк дахь харилцах данс, хадгаламжийн үлдэгдэл болон Монгол банкнаас тогтоосон банкны бусад пассивын дүнгийн тодорхой хувийг бэлэн нөөцийн байдлаар заавал байлгахыг банкнаас шаардана.
2. Монгол банк банкны заавал байлгах нөөцийн хувь хэмжээг гучин хувиас дээшгүй байхаар тогтоох бөгөөд бусдаас татан төвлөрүүлсэн хөрөнгийн хугацаа, төрлөөс хамааруулан ялгаатай тогтоож болно.
3. Банкны бэлэн нөөц нь тухайн банкны Монгол банк дахь харилцах дансны үлдэгдэл хэлбэрээр байна.
4. Монгол банк банкны заавал байлгах нөөцийг хангасан хэсэгт ногдох бэлэн нөөцөд хүү төлж болно”

гэж заажээ. Энэ шаардлагыг биелүүлж буй эсэхийг төв банк хянаж, шалгаж байдаг.