Сүүлийн үед инфляцын учир шалтгаан өөрчлөгдөж байна. Тухайлбал, үйлдвэрлэлийн хүчин чадлын үлэмж хэсэг нь ашиглагдаагүй сул зогсож, ажилгүйдэл өндөр түвшинд байх үед ч үнэ, цалин өсөх хандлагатай болжээ. Өөрөөр хэлбэл, нийлмэл эрэлт өсөөгүй байхад инфляц нэмэгдэж байна. Энэ нь зардлын өсөлттэй холбоотой юм. Ажилгүйдэл өндөр, үйлдвэрлэлийн нөөцийн ашиглалт дутуу байхад зардлын өсөлтийн улмаас инфляц өсөх үзэгдлийг зардлаас үүдсэн инфляц гэнэ. Зардлаас үүдсэн инфляц үүсэх дараах шалтгаан байдаг. Үүнд:

1. Барааны үнэ өндөр байх. Тухайлбал, нефтийн үнэ өсөхөд шатахууны үнэ давхар өсөж, тээврийн зардал өсдөг.
2. Импортын инфляц. Дотоодын валютын ханш бууралтаас үүдэн импортын барааны зардал нэмэгдэж, инфляц нэмэгддэг.
3. Өндөр цалин. Цалингийн өсөлт эрэлт нэмэгдэхэд хүргэдэг.
4. Өндөр татвар. Нэмэгдсэн өртгийн албан татвар болон албан татварыг орлогын нэмэгдүүлэхэд бүтээгдэхүүний үнэ өсдөг.
5. Ашгаас үүдсэн инфляц. Компаниуд монопол эрх мэдлээ нэмэгдүүлж, илүү ашиг олохын тулд үнээ өсгөдөг.
6. Хүнсний барааны өндөр үнэ. Хөгжингүй орнуудын хувьд өрхийн нийт зардалд хүнсний зардал маш бага хувийг эзэлдэг бол хөгжиж буй орнуудын хувьд үлэмж хувийг эзэлдэг.