Менежментийн аргыг:

1. автократ;
2. ардчилсан;
3. чөлөөт гэж гурав ангилдаг. 

Ажлын байран дахь бүхий л шийдвэрийг менежер ганцаараа гаргаж хянадаг удирдлагын аргыг автократ буюу захиргаадалтын менежмент гэнэ. Энэ нь хамгийн их хяналттай удирдлагын арга юм. Ийм менежментийн аргатай газар ажиллагчийн санал, бодлыг нэг их сонирхдоггүй. Зөвхөн дээрээс доошоо үүрэг, даалгавар өгөх замаар харилцдаг. Ажиллагчийн хийх ажил, гүйцэтгэх үүрэг тов тодорхой байдаг бөгөөд тэд дээрээс өгсөн үүрэг зааврыг үг дуугүй биелүүлэх ёстой.

Шатлан захирах бүтэцтэй байгууллагад автократ менежмент тохирно. Ур чадваргүй, ажиллах сонирхол муутай, эсхүл шинээр ажилд орсон хүмүүст менежментийн энэ арга хэрэгтэй байдаг.