Дампуурал гэдэг нь хуулиар тогтоогдсон журам бөгөөд хувь хүн, аж ахуйн нэгж төлбөрийн чадамжгүй болж, харилцагч талын өмнө хүлээсэн санхүүгийн үүрэг хариуцлагаа хугацаандаа биелүүлэх чадваргүй шүүхээр тогтоогдсон нөхцөл байдал юм. Дампуурал нь сайн дурын эсвэл албадлагын журмаар хэрэгждэг.

Сайн дурын дампуурал гэдэг нь төлбөрийн чадваргүй болсон учир дампуурсанд тооцохыг хүсэж тухайн хуулийн этгээд шүүх болон харилцагч талдаа өөрөө мэдэгдэж, шийдвэр гаргуулахыг хэлнэ. Албадлагын дампуурал гэдэг нь тухайн хуулийн этгээд төлбөрийн чадваргүй болж үүргээ гүйцэтгэхээс татгалзсан гэж үзэж, түүнийг дампуурсанд тооцуулахаар харилцагч нар нь шүүхэд хандаж нэхэмжлэл гаргуулна гэсэн үг. Дампуурсан аж ахуйн нэгжийг татан буулгах зорилгоор нэхэмжлэгчийн хурлыг зохион байгуулж, эд хөрөнгийг хуваарилна.