Компанийн дүрэм гэж компани харьяалагдах бүртгэлийн албанд бүртгүүлсэн, компанийн зорилго, холбогдох хуулиар олгогдсон эрх, компаниас гаргаж болох зөвшөөрсөн үнэт цаасны ангилал, хувьцаа эзэмшигч, захирлуудын эрх, үүргийг заасан албан ёсны баримт бичгийг хэлнэ. Компанийн дүрэм нь түүнийг үүсгэн байгуулах үндсэн баримт бичиг мөн.

Компанийн дүрэмд дараах зүйлийг заавал тусгана:

• Компанийн бүрэн болон товчилсон оноосон нэр, түүний хэлбэрийг тодорхойлсон товчилсон ялгах тэмдэглэгээ ;
• Компанийн зарласан болон гаргасан хувьцааны тоо, тэдгээрийн төрөл, нэрлэсэн үнэ, хувь нийлүүлсэн хөрөнгийн хэмжээ;
• Компанийн дүрмээр давуу эрхийн хувьцааг зарласан нөхцөлд давуу эрхийн хувьцааны зарласан тоо, түүний эзэмшигчийн эрх;
• Хэрэв төлөөлөн удирдах зөвлөлтэй байхаар шийдвэрлэсэн бол төлөөлөн удирдах зөвлөлийн гишүүдийн тоо;
• Хувьцаа эзэмшигчдийн хурал, төлөөлөн удирдах зөвлөлийн энэ хуулиар тодорхойлсноос бусад бүрэн эрх;
• Компанийн үйл ажиллагааны чиглэл зэрэг болно.