Татвар төлөгчийн орлого эсвэл эд хөрөнгөөс шууд хураан авах татвар. Өөрөөр хэлбэл, хувь хүн, аж ахуйн нэгж, байгууллагын орлого болон хөрөнгөд ногдуулж буй татварыг шууд татвар гэнэ. Шууд татварыг татвар төлөгчийн орлого олох явцад хураан авдгаараа онцлогтой юм. Шууд татварыг ногдуулах объект нь татвар төлөгчийн орлого (цалин хөлс, зээлийн хүүгийн орлого, түрээсийн орлого гэх мэт) ба эд хөрөнгийн (газар, байшин, машин тоног төхөөрөмж, үнэт цаас зэргийн) үнэ өртөг байна. Татвар төлөгчийн орлого, ашгийн хэмжээ, эд хөрөнгийн үнийн дүнгээс хамааруулан тодорхой хувь хэмжээгээр хураан авдаг. Жишээ нь, хувь хүний орлогын албан татвар, аж ахуйн нэгжийн орлогын албан татвар, өв залгамжлалын болон хөрөнгийн орлогын албан татвар нь шууд татвар юм. Шууд татвар нь төлөх чадварын зарчимд тулгуурладаг.