Эдийн засгийн систем нь чөлөөт болон зохицуулалттай зах зээлийн аль нэг орчинд оршин тогтнодог. Чөлөөт зах зээлийн орчин гэж бүтээгдэхүүн, үйлчилгээний үнэ нээлттэй зах зээл болон хэрэглэгчийн нөлөөгөөр бүрэлдэн тогтдог Эдийн засгийн тогтолцоог хэлнэ. Чөлөөт зах зээлийн үед эрэлт, нийлүүлэлтийн хууль нь төрийн оролцоогүй, монополгүй орчинд үйлчилж байдаг. Харин зохицуулалттай зах зээлийн хувьд эрэлт, нийлүүлэлтэд төрөөс зохицуулалтыг янз бүрийн аргаар хийж, түүнд нөлөөлж байдаг. Цэвэр онолын чөлөөт зах зээлийн эдийн засагт бүтээгдэхүүн, үйлчилгээний үнэ төрийн бодлогын нөлөөгүйгээр зөвхөн эрэлт, нийлүүлэлтийн зүй тогтлоор зохицуулагдаж байх ёстой.