Шууд бус татвар гэж үйлдвэрлэгчийн зүгээс бүтээгдэхүүн, үйлчилгээндээ шууд бус, харин тэдгээрийн үнэ дээр нэмж нэмэгдэл байдлаар төлж буй татварыг хэлнэ. Өөрөөр хэлбэл, татвар төлөгчийн үйл ажиллагааны үр дүнгээс хамааралгүйгээр тодорхой нэрийн бараа, үйлчилгээнд ногдуулж байгаа татварын төрөл юм. Жишээ нь, нэмэгдсэн өртгийн албан татвар буюу худалдааны татвар, онцгой албан татвар, импортын татвар зэргийг хувь хүнээс шууд авдаггүй ч гэсэн тэдний зарлагаас төлөгддөг. Татвар төлөгч энэ татварт зориулсан мөнгөө орлогоосоо хасаж, төрд олгоно. Өөрөөр хэлбэл, шууд бус татварыг үнэн хэрэг дээрээ хэрэглэгч төлж, харин үйлдвэрлэгч цуглуулж өгнө. Шууд бус татварын хамгийн өргөн тархсан төрөл нь онцгой албан татвар болон нэмэгдсэн өртгийн албан татвар байна.