Mаркетингийн үндсэн зарчим бол хүний хэрэгцээг хангах явдал байна. Стратегийн үүднээс маркетингийн гол зарчмуудыг дараах байдлаар илэрхийлнэ. Үүнд:

• Ойрын зорилтуудыг шийдвэрлэхэд маркетингийн менежментийг сайжруулах;
• Зах зээлийг удирдах;
• Маркетингийн урт,дунд болон богино хугацааны төлөвлөлтийг хийх, маркетингийн хөтөлбөрүүдийг боловсруулах;
• Зах зээл, эдийн засгийн төлөв байдал, үйлдвэрийн газрын үйлдвэрлэл, борлуулалтын боломжийг судлахад маркетингийн шинжилгээг чиглүүлэх;
• Зах зээлийг хэсэгчлэн авч үзэж, хамгийн чухал хэсэг (сегмент)-ийг хайж олох, түүнд бараа нийлүүлэх;
• Идэвхтэй эрэлт, хэрэгцээ, шаардлагыг уян хатан тусган авах;
• Инновацыг нэвтрүүлж, шинэ бараа үйлдвэрлэх;
• Бараа, үйлчилгээг сурталчлах, таниулах зэрэг болно.

Зах зээлийн үйл ажиллагааны үүднээс дараах зарчмыг баримтална. Үүнд:

• Бараа, үйлчилгээ нь хэрэглэгчийн хэрэгцээ, компанийн боломжид нийцэж байх;
• Зах зээлд гаргасан барааг аль болох бүрэн борлуулах;
• Зах зээлийн тодорхой хэсгийг удаан хугацаанд эзэлж байх;
• Зах зээлтэй идэвхтэй харьцаж, эрэлт үүсгэх бүх аргыг хэрэглэх.
• Бизнес, үйлдвэрлэлийг явуулах маркетингийн зарчмууд гэж бас бий.

Тухайлбал, үйлдвэрлэж буй бараа бүтээгдэхүүнийг байнга шинэчлэх, чанарыг нь сайжруулах, ажиллагчийн бүтээлч идэвхийг өрнүүлэх, үйлдвэрлэлийн зардлыг бууруулах г.м.