3ax зээлийн боломж гэдэг нь компани өөрт ашигтайгаар хангаж чадах магадлал өндөртэй худалдан авагчийн хэрэгцээ ба сонирхлыг хэлдэг. Зах зээлийн боломжийн гурван үндсэн эх үүсвэр бий. Үүнд:

1. нийлүүлэлт хангалтгүй байгаа бүтээгдэхүүнийг санал болгох;
2. өнөөгийн бүтээгдэхүүн, үйлчилгээ- гээ шинэ, онцлог хэлбэрээр санал болгож нийлүүлэх;
3. цоо шинэ бүтээгдэхүүн, үйлчилгээг бүтээх зэрэг эх үүсвэрээр зах зээлийн боломжийг эрэлхийлдэг.

Зах зээлийн боломжийг үнэлэхийн тулд компаниуд зах зээлийн боломжийн шинжилгээг хийж, дараах асуултуудыг өөртөө тавьдаг. Үүнд:

• Тухайн зах зээлээс бид ашиг хүртэж чадах уу?
• Бид зорилтот зах зээлдээ зардлын хувьд үр ашигтай мэдээллийн болон борлуулалтын суваг ашиглан хүрч чадах уу?
• Манай компани хэрэглэгчдэд ашиг өгөхүйц байдлаар голлох нөөц болон чадваруудаа бүрдүүлж чадаж байна уу?
• Өнөөгийн ба ирээдүйн боломжит өрсөлдөгчөөсөө илүү үр ашгийг хэрэглэгчид өгч чадах уу? 
• Хөрөнгө оруулалтын санхүүгийн үр өгөөж нь бидний хийх шаардлагатай хөрөнгө оруулалтаас давж чадах уу? гэсэн асуултуудад хариулах замаар шинжилгээг матрицын аргаар гүйцэтгэдэг.