Урт хугацааны туршид үйлдвэрлэлийн тогтвортой өсөлтийн түвшнийг хангаж чадах нөхцөл, чадвартай эдийн засгийг тогтвортой эдийн засаг гэнэ. Энэ нь аливаа нөөцийг зохистой ашиглах, байгалийн нөөцийг шавхах биш нөхөн сэргээж ашиглах, хүнийг хөгжүүлэн бүтээмжийг нэмэгдүүлэхэд үндэслэсэн эдийн засаг юм. Гадаадын зээл, тусламжид дулдуйдсан биш, харин дотоод нөөцөө бүрэн ашигладаг, өөрөө өөрийгөө нөхөн тэтгэдэг байх нь тогтвортой эдийн засгийн гол шинж юм. Энэ нь өнөө үеийн хүн амын хэрэгцээг хангаад зогсохгүй хойч үеийнхээ амьдрах нөхцөлийг хадгалж чадах эдийн засаг мөн. Өөрөөр хэлбэл, хойч үедээ хуримтлагдсан асуудал биш хуримтлагдсан баялаг үлдээдэг эдийн засаг юм.

Нийгэмд ядуурал, ажилгүйдэл эрс багассан, дундаж давхарга давамгайлсан нехцелд эдийн засаг тогтвортой хөгжинө. Нэгтгэн хэлбэл, тогтвортой эдийн засаг бол үйлдвэрлэл, нийгэм, байгаль орчны хөгжлийн харилцан уялдаатайг хангаж чадах загвар юм.