Менежерүүд мэдээлэлд тулгуурлан шийдвэр гаргахдаа дараах дүрүүдийг зохистойгоор ашигладаг. Үүнд:

• Шинийг санаачлагч (Entrepreneur). Байгууллагын өдөр тутмын үйл ажиллагааг сайжруулах зорилгоор шинэ санаа, санаачилгыг бий болгох, хэрэгжүүлэх үүргийг менежерүүд хүлээдэг бөгөөд энэ үүргийг ихэнхдээ доод шатны буюу шугаман удирдлага хэрэгжүүлдэг.
• Зөрчлийг арилгагч (Disturbance handler). Байгууллагын үндсэн үйл ажиллагаанд гарсан гажуудлыг арилгах, зохицуулах үүрэг бөгөөд дунд шатны болон хэлтэс нэгжийн удирдлагууд энэ үүргийг хэрэгжүүлэх нь нийтлэг байдаг.
• Нөөцийг хуваарилагч (Resource allocator). Байгууллагын нөөцийг зөв зохистой хуваарилан зарцуулах үүрэг бөгөөд хүний нөөцийн менежер, санхүүгийн менежер гэх мэт нөөцийн хуваарилалт хийдэг албан тушаалтнуудын хэрэгжүүлдэг үүрэг юм.
• Хэлэлцээр хийгч (Negotiator). Гадаад орчин буюу харилцагч, бэлтгэн нийлүүлэгчтэй гэрээ, хэлэлцээр байгуулах үүрэг байдаг.