Санхүүгийн төлөвлөлт нь тухайн байгууллага, аж ахуйн нэгжийн богино, дунд, урт хугацааны зорилго, зорилт, тэдгээрийг хэрэгжүүлэх арга хэмжээг тодорхойлох явдал юм. Орлого, зарлагын мэдээллийн шинжилгээнд тулгуурлан тавсан зорилго- доо хэрхэн хүрэх арга замыг санхүүгийн төлөвлөлтөд тусгана. Санхүүгийн төлөвлөлтийн явц нь санхүүгийн урт хугацааны стратегийн төлөвлөгөө боловсруулахаас эхлэх ба энэ нь дунд болон богино хугацааны төсөв, төлөвлөгөө зохиох Үндэс суурь болно.

Компанийн богино хугацааны санхүүгийн үйл ажиллагааг 1-2 жилийн хугацаатай төлөвлөнө. Санхүүгийн төлөв- лөлтийн үйл явцыг дараах дарааллаар гүйцэтгэнэ.

Үүнд:

• Санхүүгийн өнөөгийн нөхцөл байдалд шинжилгээ хийж, үнэлгээ өгөх;
• Санхүүгийн зорилго, зорилтоо тодорхойлох;
• Хэрэгжүүлэх арга замын хувил- баруудаа боловсруулах;
• Хэрэгжүүлэх арга замуудад үнэлгээ өгч, оновчтойг сонгох;
• Санхүүгийн төлөвлөгөөг хэрэгжүүлэх арга хэмжээг төлөвлөх;
• Төлөвлөгөөний хэрэгжилтийг хангах, хянал тавих механизмыг боловсруулах.

Санхүүгийн урт хугацааны төлөвлөлтөөр үндсэн хөрөнгийн шинэчлэл, судалгаа ба хөгжүүлэлтийн ажил, маркетингийн бодлого, урт хугацааны санхүүжилтийн эх үүсвэр, үйлдвэрийн хэмжээг өргөжүүлэх төсөл, урт хугацааны зээлийг тололт зэрэг чиглэлийн асуудалд илүү анхаарал хандуулна.

Дунд болон богино хугацааны санхүүгийн төлөвлөлтөд борлуулалтын таамаглал, санхүүгийн бусад үйл ажиллагааны төлөв байдал болон мөнгөн орлогын урсгал, төсвийн тодорхойлоход анхаарна.