Crypto гэдэг нь нууцлагдмал гэсэн утгатай латин гаралтай үг. Криптовалют буюу цахим зоос нь зөвхөн мэдээлэл хэлбэрээр оршдог, биет бус мөнгө байна. Криптовалют нь банк, кредит картын компаниуд зэрэг гуравдагч этгээдийн оролцоогүйгээр гүйлгээг баталгаажуулах боломж олгодог блокчейн технологи дээр тулгуурласан крипто буюу тоон мөнгө юм.

Криптовалют нь нэгд, цахим буюу биет бус байдаг; хоёрт, талууд мэдээллийг дундын зуулчлалгүй шууд солилцож гүйлгээ хийж болдог; гуравт, төвлөрсөн бус системтэй буюу уг мөнгийг аль нэг улсын төв банк гаргадаггүй гэсэн үндсэн гурван шинж чанартай байна. Криптомөнгө нь гүйлгээний зардлыг эрс бууруулж, гүйлгээг асар богино хугацаанд хийх боломж олгохын зэрэгцээ цаасан мөнгөний системийн дутагдалтай талыг арилгахад түлхэж болсон байна. Тоон мөнгөний үнэ цэн нь хэрэглэгчдийн эрэлтээс хамаарах бөгөөд уг мөнгийг ашиглагчдын тоо өсөхийн хэрээр нийлүүлэлт нь нэмэгдэнэ.