Даатгал — сан бүрдүүлж, хохирол учирсан тохиолдолд түүгээр гэрээний үндсэн дээр уг хохирлыг төлөхтэй холбоотой олох чиглэлийн харилцааг багтаасан тогтолцоо.

Тодорхой орон зай, цаг хугацаанд тухайн нутаг дэвсгэрийг хамарсан байгалийн гамшиг, урьдчилан төсөөлөх боломжгүй гэнэтийн аваар ослын улмаас иргэд, аж ахуйн нэгж, улс оронд учирсан хохирлыг нөхөн төлөх болон тэдгээрээс урьдчилан сэргийлэхэд чиглэсэн мөнгөн хөрөнгийн санг бий болгох, зарцуулахтай холбогдсон эрх зүйн болон эдийн засгийн харилцааг даатгал гэнэ.

Энэ харилцааны нөхцөл төлбөрийн хэмжээг гэрээнд тодорхой зааж даатгуулагчид олгосон баримт бичгийг даатгалын гэрчилгээ, даатгасны хариуд даатгуулагчийн зүгээс төлж буй тодорхой хэмжээний мөнгийг даатгалын төлбөр буюу хураамж юм.

Даатгалын дотор нь заавал даатгуулах, сайн дураар даатгуулах  гэсэн хоёр хэлбэрт хуваана. Бүх төрлийн хариуцлагын даатгал ба хуулиар тогтоосон зарим даатгал нь заавал даатгуулах хэлбэрт орно. Заавал даатгуулах даатгалыг санаачлагч, зохион байгуулагч нь төр байдаг бөгөөд даатгалын төрөл, хариуцлагын хүрээ, даатгуулагч, даатгагчийн харилцан хүлээх үүрэг хариуцлага болон заавал  даатгуулах даатгалын үйл ажиллагаанаас үүдэн гарах бусад бүх харилцааг хуулиар зохицуулдаг.

Сайн дурын даатгалын гэрээг заавал бичгээр хийх бөгөөд түүнийг батлах үндэслэл нь даатгалын баталгаа буюу даатгалын гэрчилгээ мөн. Даатгалыг объект буюу даатгагч байгууллагын шинж чанараар нь улсын, хувийн, хувь нийлүүлсэн гэх зэргээр ангилна. Эд хөрөнгө, байшин барилга болон иргэдийн амь нас, эрүүл мэнд, хөдөлмөрийн чадвар зэрэг нь даатгалын зүйл болдог. Даатгал нь дотроо тэтгэврийн, эрүүл мэндийн, ажилгүйдлийн, аваар ослын, амь насны гэх зэрэг олон төрөлд хуваагдана.

Банк, санхүүгийн байгууллагаас даатгалын бүтээгдэхүүн авахдаа нөхцөл, гэрээний зүй заалтыг нарийн шалгаж үзэхээс гадна “Санхүүгийн туслах”-ыг ашиглан өөрт тохирох нөхцөл бүхий хураамж багатай эсвэл нөхөн олговрын дүн өндөртэй бүтээгдэхүүнийг хялбараар сонгоорой.