Даатгалын зах зээл — даатган хамгаалах эрэлт хэрэгцээнээс үүдэлтэй хохирлыг даатган нөхөх гэсэн онцгой үйл явдлаас үүссэн эрх зүй, эдийн засгийн харилцааны тогтолцоог хэлнэ. Өөрөөр хэлбэл, даатгагч, даатгуулагч даатгалын үйл ажиллагаа явуулахын тулд үнэ, тоо хэмжээ, цаг хугацаа, эрх үүргийг тодорхойлж үйл ажиллагаа явуулах эдийн засаг, эрх зүйн орчин юм. Даатгагч нь даатгалын сонирхлын талаарх бүх мэдээллийг, харин даатгуулагч нь  даатгалын гэрээний зүй заалтын дагуух бүх боломжийг мэдэх ёстой. Зах зээлийн үйл ажиллагаа нь даатгалын талаарх холбогдох хуулиар зохицуулагдана. Зах зээл нь даатгалын сан бүрдүүлж, өөрийн хөрөнгөтэй бие биеэсээ үл хамааран оршдог олон тооны даатгалын байгууллагуудыг үүсгэн бүрдүүлнэ. Даатгагчийн хооронд орших зах зээлийн эрүүл саруул өрсөлдөөн нь даатгалын тогтолцоог хөгжүүлэх гол хүчин зүйл байна.

Даатгалын компани:Даатгалын үйл ажиллагаа эрхэлдэг санхүүгийн компани нь хувь нийлүүлэгчийн оруулсан хөрөнгө нь тодорхой тооны хувьцаанд хуваагддаг, өөрийн тусгаарласан эд хөрөнгөтэй, үндсэн зорилго нь ашгийн төлөө хуулийн этгээд байна. Компани үүсгэн байгуулахад үүсгэн байгуулагч өөрийн хөрөнгийн хэмжээ, хэрхэн бүрдүүлэх, хувьцааны нэрлэсэн үнэ, хувьцааг ямар хөрөнгө оруулагчийн хүрээнд санал болгох, хувьцааны анхны худалдах үнэ, үйл ажиллагааны төрөл чиглэл зэргийг нарийвчлан тодорхойлон ажиллах шаардлагатай байдаг.