Хөрөнгө оруулалтыг шууд ба багцын хөрөнгө оруулалт гэж ангилдаг. Шууд хөрөнгө оруулалтыг өөрийн үйлдвэрийг шинээр бий болгох эсвэл орон нутгийн компанийн хувьцааны хяналтын багцыг худалдан авахад зориулна. Шууд хөрөнгө оруулалтыг тодорхойлохдоо 1-ээс дээш жилийн хугацаагаар аж ахуй нэгжийн удирдлагад нөлөөлөхүйц байдлаар нь удирдах эрхийн хязгаарлалтыг тодорхойлдог. Хязгаарлагдмал хариуцлагатай компани гэж тодорхой цөөн тооны томоохон хөрөнгө оруулагч болон хөрөнгө оруулалтын сангуудад компанийнхаа тодорхой хувийг санал болгон эзний өмчөө нэмэгдүүлж, шаардлагатай санхүүжилтийг татан төвлөрүүлэх үйл ажиллагааг чухалчилдаг.

Хаалттай хүрээнд шууд хөрөнгө оруулалт татах нь зохицуулах байгууллагуудын зөвшөөрөл авахгүй тул цаг хугацаа бага зарцуулагддаг онцлогтой. Энэ төрлийн хөрөнгө оруулалт нь хаалттай хүрээний санхүүжилтээр компанийн төслийн эхний үе шатыг хэрэгжүүлж, дараагийн үе шатанд IPO хийж, олон нийтээс татах санхүүжилтийг амжилттай гүйцэтгэхэд бэлтгэх зорилготой байдаг. Шууд хөрөнгө оруулалтын санхүүгийн бусад хөрөнгө оруулалтаас ялгагдах онцлог нь удирдлагын цар хүрээ юм.

Шууд хөрөнгө оруулагч нь ихэвчлэн үндэстэн дамнасан корпорац байдаг бөгөөд үндсэн гурван хэсгээс бүрддэг. Үүнд:

• Хувьцаа эзэмших. Гадаадын хөрөнгө оруулагч аж ахуйн нэгжийн хувьцааг худалдаж авна.
• Ашгаас дахин хөрөнгө оруулах. Гадаадын хөрөнгө оруулагчид ногдох ашгийг хуваарилалгүйгээр, эсвэл гадаадын хөрөнгө оруулагч руу шилжүүлэлгүй, түүгээр эргүүлж хөрөнгө оруулна.
• Компани доторх зээл эсвэл өөрийн шилжүүлэг. Шууд хөрөнгө оруулагч болон харьяа компанийн хооронд хийгдэх урт болон богино хугацааны зээлийг ашиглана.