Олон улсын байгууллага, Засгийн газар, орон нутгийн засаг захиргааны байгууллага, томоохон корпорацуудаас урт хугацааны мөнгөн хөрөнгийг татах зорилгоор гаргаж буй олон улсын өрийн бичгийг евро бонд гэдэг. Евро бондыг 1-40 жилийн хугацаатай гаргана. Евро бондыг гаргаж буй орны үндэсний валютаас өөр валютаар тухайлбал, америк доллар, иен зэрэг гадаад валютаар гаргадаг. Иймд түүнийг гадаад бонд гэж нэрлэх нь бий.

Евро бондыг аль нэг сонгосон оронд гадаад валютаар гаргаж болдог уян хатан шинжтэй. Евро бонд нь эргэн төлөгдөх найдвартай бөгөөд түүнийг эзэмшигч тодорхой хугацаанд зохих хэмжээний хүү авах эрхтэй. Иймд түүнийг Ихэвчлэн тэтгэврийн ба даатгалын сангууд, хөрөнгө оруулалтын компаниуд худалдан авдаг. Евро бондыг зах зээлд гаргах, арилжих ажиллагааг санхүүгийн Томоохон байгууллага, синдикатууд зээлдэгчийн нэрийн өмнөөс хийдэг.