Мөнгөн хөрөнгийн илүүдээлтэй байгаа хэсэг болон хомсдолтой байгаа хэсгүүдийн хооронд шууд арилжаа хийгддэг зах зээл ба зээлэх, зээлдүүлэх хэрэгцээгээ хангана. Өөрөөр хэлбэл, мөнгөн хөрөнгийн илүүдэлтэй хэсэг болон хомсдолтой байгаа хэсгүүдийн хооронд шууд арилжаа хийгддэг зах зээл буюу зээлэх, зээлдүүлэх арилжаа явагддаг талбар юм. Санхүүгийн зах зээл дээр бонд, хувьцаа, гадаад валют, дериватив гэх мэт санхүүгийн хэрэгслүүд арилжаалагдана. Өөрөөр хэлбэл санхүүгийн зах зээл нь нэг төрлийн үнэт цаасны зах зээл юм. Үнэт цаасны зах зээл нь өөрөө урт хугацааны шинж чанар бүхий санхүүгийн үүрэг хүлээсэн хөрөнгө оруулалтыг тодорхой заасан хугацаанд санхүүгийн нөөц болгон бий болгох үйл ажиллагааг хамарна. Үнэт цаасыг гаргаснаар мөнгийг 10 жил магадгүй хугацаагүйгээр хэрэглэх болно. Үүнээс үүдээд санхүүгийн зах зээлийн нөхөн үйлдвэрлэлийг хангахад чухал зүйлийн нэг нь өрийн бичиг, хувьцаа зэрэгт өрийн бичгийн хүү, хувьцааны ноогдол ашиг зэрэг бодит эх үүсвэр байх хэрэгтэй.

Санхүүгийн зах зээлийг арилжаалагдаж буй санхүүгийн хэрэгслээс нь хамааруулан мөнгөний зах, бондын зах, хөрөнгийн зах гэх мэтээр ангилна. Гол үүрэг нь хуримтлалыг хөрөнгө оруулалт болгон хувиргахад оршино. Гол зорилго нь хувь хүмүүсийн гар дээр байгаа сул чөлөөтэй мөнгөн хөрөнгийг санхүүгийн зуучлагч байгууллагуудаар дамжуулан эргэлтэд оруулах явдалд оршино. Ингэснээр хөрөнгө мөнгө шаардлагатай байгаа газарт хөрөнгө оруулалтын зориулалттай санхүүгийн эх үүсвэрийг олох боломжийг олгож, улмаар улс эх орны эдийн засгийн хөгжлийг түргэтгэх ач холбогдолтой.