Хөрөнгө оруулалтын шинэ үнэт цаас гаргах үед андеррайтерийн үүрэг гүйцэтгэж, компаниудад санхүүжилт олоход нь тусалдаг санхүүгийн байгууллага. Хөгжингүй орнуудад бизнесийн байгууллагууд хэд хэдэн санхүүгийн байгууллагаар зуучлуулан хөрөнгө босгохыг хичээдэг. Эдгээр санхүүгийн байгууллагууд буюу хөрөнгө оруулалтын банкнууд нь хөрөнгө оруулагч нарыг татах, үнэт цаасны оновчтой хувилбарыг сонгох, өөрсдөө компанийн гаргасан үнэт цаасыг худалдан авах, худалдахаар бусдад санал болгох зэрэг зуучлалын үйл ажиллагааг явуулна.