Хэрэглэгч (Consumer):

Эцсийн бүтээгдэхүүн, үйлчилгээг хэрэглэдэг эдийн засгийн аливаа харилцаанд оролцогч этгээдийг хэрэглэгч гэнэ. Ихэнхдээ хэрэглэгч нь хувь этгээдийн хэлбэртэй байдаг боловч практикт хувь хүн, өрх гэр, байгууллага, аж ахуйн нэгж юм. Энд ихэнх шийдвэр гаргагч хэрэглэгч бол хувь этгээд бус өрх (өрхийн аж ахуй) байдгийг онцлон тэмдэглэх нь зүйтэй. Өрх нь тухайн өрхийн аж ахуйг бүрдүүлэгч хувь хүмүүсийн хоорондын хүсэл сонирхлын зөвшилцөлд тулгуурлан хамтын шийдвэр гаргадаг. Өөрөөр хэлбэл, уг шийдвэр нь эцэг- эхийн саналд суурилсан тухайн өрхийн насанд хүрсэн гишүүдийн бүлгийн шийдвэр юм. Иймд хэрэглэгчийн эрэлт бол өрхийн бүх гишүүнд хамааралтай нийгмийн аж байдлын чиг үүрэг (social welfare function)-ийг зарим зарим талаар илэрхийлдэг хамтын шийдвэр хэмээн үздэг.

Хэрэглэгчийн зээл (Consumer credit):

Бараа, үйлчилгээ худалдан авахад зориулж хэрэглэгчид олгож буй нь зээлтэй холбоотой нэр томьёо. Практикт хэрэглээний зээл ч гэж нэрлэдэг. Хэрэглээний зээлд орон сууц худалдан авахтай холбоотой зээлийг гол төлөв оруулдаггүй. Энэхүү зээллэг нь хэрэглэгчийн зүгээс аливаа бараа, үйлчилгээг эсвэл тодорхой төрлийн барааг худалдан авахад нь зориулж олгогддог зээл байна. Энэ нь зээлээр худалдан авах (hire purchase) эсвэл зээлийн төлбөрийн данс (charge account credit)-аар дамжин хэрэгждэг.