Монгол улсын нийгэм эдийн засгийн байдлын 2023 оны 12 сарын байдлаар гаргасан тоон мэдээллийг танилцуулж байна.

Хэрэглээний бараа үйлчилгээний үнийн мэдээлэл

Инфляц буюу хэрэглээний бараа үйлчилгээний үнэ 2023 оны 12-р сарын байдлаар өмнөх үеийн мөн үеэс 7.9% өмнөх сараас 0.4%-иар өсөөн үзүүлэлттэй гарсан байна. Харин Улаанбаатар хотын жилийн инфляц 12-р сард 8.6% байгаа бол аймгуудын хувьд Хэнтий аймагт 5.1% буюу 1%-иар өссөн нь хамгийн бага байгаа бол Өвөрхангай аймагт 8.5%-иар өссөн нь хамгийн өндөр үзүүлэлттэй гарсан байна.

Инфляцын түвшин 2022 оны 12-р сард 13.2%-тай гарч байсан бол 2023 оны 12-р сард 7.9% болж өсөлтийн хурдац өмнөх оны мөн үеэс 5.3 нэгж хувиар буурсан үзүүлэлттэй байна.

2023 оны 12-р сард инфляцын түвшин улсын хэмжээнд 7.9% гарсан ба үүний:

• 3.3 нэгж хувь нь хүнсний бараа, ундаа, усны бүлгийн өсөлтөөс;
• 0.8 нэгж хувь буюу 9.7% нь хувцас, бөс бараа, гутлын үнийн өсөлтөөс;
• 0.6 нэгж хувь буюу 6.9% нь эм тариа, эмнэлгийн бараа үйлчилгээний үнийн өсөлтөөс;
• 0.7 нэгж хувь буюу 9.4% нь боловсролын бүлгийн өсөлтөөс тус тус шалтгаалсан нь гол нөлөөллийг үзүүлсэн байна.

Инфляцад дараах 10 бараа голлон нөлөөлсөн ба уг бараа бүтээгдэхүүн инфляцын 33.1%-ыг эзэлж байна. Үүнд гурил, талх, будааны үнэ жилийн 14.7%-иар, бусад бараа үйлчилгээ 17.3%- иар өссөн байна.

Дээрх бараа үйлчилгээний үнэ өмнөх оны мөн үеэс 14-өөс 35%-ын өсөлттэй гарсан байна.