ХУРААНГУЙ

Канад улсын засгийн газар Trans Mountain Corp (TMC)-д 2 тэрбум канад доллар буюу 1.5 тэрбум ам.долларын шинэ арилжааны зээл олгохоор төлөвлөж байна. Тус корпорац нь төсвөө хэтрүүлэн Номхон далайн эрэг рүү газрын тос дамжуулах хоолойг өргөтгөх ажлыг төлөвлөгөөт хугацаанаас илүү урт хугацаанд барьж байгаа юм.

ЮУ БОЛОВ?

Канадын экспортын хөгжлийн цахим хуудсанд нийтлэгдсэн мэдээллээр 11 сарын 30-ны өдөр TMC-д 1.7-оос 2 тэрбум канад долларын зээлийн баталгаанд гарын үсэг зуржээ. Засгийн газрын дэмжлэг нь зээлдүүлэгчийн эрсдэлийг бууруулж, TMC-д бага хүүтэй зээл авахад туслах юм.

Өнгөрсөн жил TMC нь далайд гарцгүй Альберта мужийн нефтийн элснээс Номхон далайн эргийн Бритиш Колумби муж хүртэл түүхий нефтийн урсгалыг бараг гурав дахин нэмэгдүүлэх хоолойн өргөтгөлийг нөхөхөд туслах зорилгоор засгийн газрын дэмжлэгтэйгээр 10 тэрбум канад долларын санхүүжилт авсан.

ЯАГААД?

Энэхүү төсөл нь голдуу АНУ-д экспортолж буй Канадын нефтийг Азийн зах зээлийг нээх зорилготой юм. Ерөнхий сайд Жастин Трюдогийн Либерал засгийн газар 2018 онд асуудалтай байсан тус төслийг дуусгахын тулд худалдаж авсан байна.

ШАЛТГААН НЬ

Төсөл нь зохицуулалтын саад бэрхшээл, байгаль орчны эсэргүүцэл, барилгын ажил саатсан зэргээс шалтгаалж зардал нь 30.9 тэрбум канад доллар болж, 2017 онд төсөвлөгдсөн 7.4 тэрбум канад доллароос 4 дахин өссөн байна.

ГЭСЭН ХЭДИЙ Ч...

Канадын эрчим хүчний зохицуулагч TMC нь дамжуулах хоолойн бүрэн бүтэн байдал болон байгаль орчин хамгааллын нөлөөллийн талаар хангалттай авч үзээгүй гэсэн шалтгаанаар тус төслийн өөрчлөлтийн хүсэлтээс татгалзсан гэж мэдээлжээ.

TMC нь хоёр жилийн “гамшгийн” саатал нь олон тэрбум долларын алдагдалд хүргэж болзошгүй гэсэн үндэслэлээр шийдвэрээ өөрчлөхийг зохицуулагчаас хүссэн байна.

ЦААШИД

Өргөтгөсөн хоолой нь 2024 оны эхний улирлын эцэс гэхэд түүхий нефтээ тээвэрлэж эхлэх зорилготой ажиллаж байна. Цаашид саатал гарах эрсдэл нь Канадын түүхий нефтийн үнэд нөлөөлж байна.