Цахим танилт баталгаажуулалт нь 2024 онд финтекийг нэвтрүүлэхэд түлхэц болох тодорхойлогч хүчин зүйл байж болох юм. Энэ нь залилангийн гэмт хэргийг бууруулах, үндэсний аюулгүй байдлыг сайжруулахад чиглэсэн гол хүчин зүйл юм.

Эдгээр хүчин зүйлс нь маш урт хугацааны туршид бүрэлдэн бий болсон гэж хэлж болно. Хамгийн эртний гүйлгээг хүрэл зэвсгийн эхэн үед буюу МЭӨ 4000 – 3100 онд тухайн үеийн хамгийн сүүлийн үеийн техник болох шавар шахмалуудыг ашиглан Кушим хэмээх хүн арвай солилцохтой холбоотой гүйлгээг тэмдэглэжээ. Бид хамгийн эхэнд талуудын хоорондын гүйлгээ хийгдсэн эсвэл тухайн гүйлгээг бүртгэх шаардлагатай гэсэн ойлголт үүссэн талаар маргаж болох хэдий ч энэ нь тахиа анхдагч уу эсвэл өндөг анхдагч уу гэдэгтэй адил ойлголт юм. 2023 оны Мэрилэндийн их сургуулийн судалгаагаар Америк улсын 10 хүн тутмын нэг нь засгийн газраас олгосон гэрэл зургийн үнэмлэхгүй болохыг тогтоожээ.

Энэ нь санхүүгийн хүртээмжтэй байдлыг бүгдэд олгоход бэрхшээлтэй мөн залилан ихсэж байгаагийн нэг шалтгаан болж байна. АНУ-ын засгийн газар их хэмжээний хөрөнгө оруулалт хийж байгаа нь шинэ компаниуд болон бүс нутгуудын дунд өрсөлдөөн бий болгоод байна.

Хөдөлмөрийн яам АНУ-ыг Аврах төлөвлөгөөний тухай хуулийн 1.6 тэрбум ам долларын төсвийг улсын хэмжээнд цахим танилт баталгаажуулалтыг шийдвэрлэхэд зарцуулж байна. Үүнээс эмзэг бүлгийн мэдээлэл технологийн системийг шинэчлэхэд 600 сая ам доллар, залилангаас урьдчилан сэргийлэхэд 380 сая ам доллар тус тус зарцуулж байна.

Үүний сацуу Инфляцыг бууруулах тухай хуульд Бүс нутгийн технологийн инновацын төвүүдийг байгуулахад зориулж 500 сая ам доллар төсөвлөжээ.  Энэхүү хөтөлбөрийн хүрээнд Баруун Виржиниа муж нь Fortune 500 компаниудын консорциум, эрдэм шинжилгээний байгууллагууд, бизнес эрхлэгчид болон венчур хөрөнгө оруулагчидтай хамтран таних, баталгаажуулах системийн одоо байгаа нөхцөлийг сайжруулах болон шинэ санал санаачилгыг дэмжих тэтгэлэг олгосон байна.

Дэлхийн банкнаас “Дэлхий даяар 1 тэрбум хүн иргэний үнэмлэхгүй, тэр дундаа 4 хүүхэд, залуучууд тутмын 1 нь төрөлт огт бүртгэгдээгүй” гэж тооцоолжээ. 2019 оны Дэлхийн банкны тайланд “үүнээс гадна тоо томшгүй олон хүн иргэний үнэмлэхтэй хэдий ч тэдгээр нь чанар муутай эсвэл баталгаажуулах боломжгүй болсон байдаг” гэсэн байна.

Цахим танилт баталгаажуулалт нь цахим орчинд хүн, программ эсвэл төхөөрөмж (жишээ нь, компьютер, ухаалаг утас, сүлжээ гэх мэт), иргэний үнэмлэх гэх мэт биет механизм гэхээс илүү системд суурилсан итгэмжлэл юм.