ХУРААНГУЙ

Колорадо мужийн цанын баазын хотхоны үнэ 5.24 сая ам.долларын хүрч 2023 онд орон нутгийн дээд амжилт тогтоов.

Энэ мужийн цанын баазын тухай бодоход хамгийн түрүүнд Avon санаанд орох байх. Вейлийн хөндийн хамгийн сүүлийн үеийн тансаг зэрэглэлийн хорооллуудын нэг болох тус мужийн Riverfront тосгонд 5.24 сая доллароор зарагдсан цоо шинэ дөрвөн өрөө хотхон энэ оны дээд амжилтыг тогтоогоод байгаа юм.

ЯАГААД?

Колорадо мужид байрладаг Слифер, Смит, Фрамптон үл хөдлөх хөрөнгийн Эрик Бургунд “Riverfront тосгон нь Avon-ийн нэг хэсэг боловч бид үүнийг Beaver Creek, Bachelor Gulch болон Arrowhead-ийн дараа орох 4 дэх амралтын газар гэж үздэг” хэмээжээ.

Ойролцоох Westin Riverfront Resort & Spa нь оршин суугчдад цанаар гулгахад зориулсан лифт, цанын велагийн үйлчилгээ, жилийн турш ашиглах усан сан, рашаан сувилал, фитнес төв, зочид буудлын зоогийн газар зэрэг оршин суугчдын тансаг хэрэгцээг хангадаг.

10 дугаар сарын дунд үеийн мэдээнээс үзэхэд Riverfront тосгоны нэг квадрат метр талбайн дундаж үнэ 2023 онд 1,500 ам.доллар болж, өнгөрсөн жилийхээс 9% өссөн байна. Он гарснаас хойш нийт борлуулалтын хэмжээ 77 сая ам.доллар байсан бөгөөд шинэ үл хөдлөх хөрөнгүүд баригдаж дуусахаасаа өмнө зарагдсан байна.

Үнийн дээд амжилт тогтоосон One Riverfront дахь хотхон нь Ийгл гол дээр байрладаг ба Бивер Крик уулын харах гайхалтай орчинтой газар юм. Гурван түвшний орчин үеийн байшин нь голын урсгалыг сонсож, байгалийн сайхныг харж болох том тавцан руу нээгддэг шалнаас тааз хүртэл шилэн хаалгатай юм.

Энэхүү үнийн дээд амжилтыг тогтооход ямар хүчин зүйл нөлөөлсөн бэ?

“One Riverfront дээрх хэсэг бол манай зах зээл дээрх хамгийн сүүлийн хэсэг юм. Вейлийн хөндийд хөгжих газар үлдээгүй. Нэмэлтээр бүтээн байгуулалт хийх газрууд байгаа хэдий ч голын эрэг дээр Вэстин хотын бүх тохь тухыг хангасан, цоо шинэ барилга байгууламж байхгүй байгаа нь энэхүү үнэ тогтоход нөлөөлсөн” гэж Бургунд дурджээ.