ХУРААНГУЙ

Эх сурвалжийн мэдээлж буйгаар Лондон улсад төвтэй Aspect Capital хөрөнгийн сан тун удахгүй Хятад улсад хөрөнгө босгох болон бүтээгдэхүүнээ санал болгож болохуйц дэлгүүр байгуулах шаардлага хангана гэжээ.

Түүнчлэн 8 тэрбум гаруй ам долларын хөрөнгөтэй энэхүү хедж сан нь Шанхай хотод оффис нээхээр бэлтгэж, 10-р сард 2 ахлах ажилтан авчээ.

ЮУ БОЛОВ?

Компьютерт суурилсан энэхүү том сангийн алхам нь эдийн засаг болон геополитикийн хүнд нөхцөл байдлын улмаас гадаадын олон хөрөнгө оруулагчид дэлхийн хоёр дахь том эдийн засгаас ухарч байгаа үед тохиож байна. Энэ нь дэлхийн зарим хөрөнгө оруулагчид Хятадын зах зээлд нөөц бололцоо байсаар байгааг илтгэж байна.

Aspect нь гадаадын 100% хувийн өмчит аж ахуй нэгж хэлбэрээр бүртгүүлэхээр зорьж байгаа нь хедж санд Хятадын томоохон хөрөнгө оруулагчдын өсөн нэмэгдэж буй өөр өөр төрлийн хөрөнгийн эргэлтийг хангах боломжийг олгоно. Тус компани энэхүү үйл явцын эхний шатандаа явж байгаа ба Хятад улсын бизнесийн төлөвлөгөөний талаар мэдээлэл өгөхөөс татгалзсан байна.

ШАЛТГААН НЬ

Хятад улс нь барууны орнуудтай хурцадмал нөхцөл байдалтай байгаа хэдий ч үр ашгийг нэмэгдүүлж, хөрөнгийн  хүрээ болон хил дамнасан эрсдэлээс хамгаалах хэрэгслийг өргөжүүлэх замаар хөрөнгийн зах зээлд гадаадын хөрөнгө оруулалт татах хүчин чармайлт гаргасаар байна.

Одоогийн байдлаар Хятад улсад Blackrock, Blackstone, KKR зэрэг 115 орчим гадаадын санхүүгийн байгууллагууд 100% хувийн өмчит аж ахуй нэгж хэлбэрээр байгуулагдсан байна.

2021 онд Aspect нь Хятадад чиглэсэн стратегийг хэрэгжүүлж, гадаадын үйлчлүүлэгчдэд своп хэлцлээр тус улсын олон төрлийн түүхий эдийн фьючерс болон засгийн газрын бондын фьючерсийг авах боломжийг санал болгожээ.

Хэдийгээр энэ жил хөрөнгийн зах зээл сүүлийн таван жилийн хамгийн доод түвшиндээ хүртэл унасан ч хувьцааны арилжаа, бонд, түүхий эдээр арилжаалагддаг хэд хэдэн сангууд Хятад улсад сайн ажиллаж чадсан байна.