ХУРААНГУЙ

АНУ-ын Холбооны нөөцийн сангийн оны сүүлчийн бодлогын хурал энэ долоо хоногийн өнгийг тодорхойлж ам.долларын ханш харьцангуй тогтворжиж байгаа бол нөгөөтээгүүр Хятад улсын дефляцийн дарамт нэмэгдэж байна.

ШАЛТГААН НЬ

Япон улсын Төв банкны хэт бага хүүгийн бодлого тун удахгүй дуусгавар болох магадлалтай байгаа тухай бооцоо улам бүр нэмэгдсээр өнгөрсөн долоо хоногийн сүүлээр мөнгөн тэмдэгт 145 иенийг давж хамгийн сүүлд 145.12 хүрсэн байна.

11 дүгээр сард АНУ-ын ажлын байрны өсөлт хурдсаж, ажилгүйдлийн түвшин 3.7% болон буурсан байна. Энэ нь дэлхийн хамгийн том эдийн засагтай орны хөдөлмөрийн зах зээлийн уян хатан байдлыг харуулж, ирэх оны эхээр Холбооны нөөцийн сангаас хүүгээ бууруулна гэсэн хүлээлтийг эргэлзээтэй болгоход хүргэж байна.

Энэхүү тоо баримт нь Холбооны нөөцийн сан хүүгээ хэр хурдан бууруулж эхлэх вэ гэсэн хүлээлтийг арилжаалагчдыг түр азнахад хүргэж байгаа ба олонх нь 3-р сар бус 5-р сар луу чиглэхэд хүргэж байна.

Үүний сацуу еврогийн ханш 0.06%-иар өсөж 1.0767 ам.доллар болсон хэдий ч энэ гурван долоо хоногийн хамгийн доод түвшин болох 1.07235 ам.доллароос тийм ч их өсөөгүй байна. Харин ам.долларын индекс 103.95 болж тогтворжжээ. Энэ нь тус индекс 0.7%-иас илүү өссөн нь сүүлийн гурван долоо хоногийн алдагдлаа эргүүлсэн юм.

ХЯТАД УЛСЫН ДАРАМТ

Ази тивд өнгөрсөн долоо хоногийн тоо баримтаас харахад Хятад улсын хэрэглээний үнэ 11 дүгээр сард сүүлийн гурван жилд байгаагүй хурдацтай буурч, үйлдвэрийн дефляци гүнзгийрч, дотоодын эрэлт сул байгаа нь тухайн улсын эдийн засгийн сэргэх үгүйд эргэлзээ төрүүлж байна. Энэ нь тус улсын дефляцийн дарамтыг улам бүр нэмэгдүүлж байна.

RBC Capital Market-ийн Азийн ханшийн стратегийн дарга, Алвин Тан “Хятадын инфляцын гол түлхэц нь хүнсний үнэ хэвээр байдгийг анхаарах нь чухал. Гэсэн хэдий ч эдийн засагт хүчтэй сэргэлт байхгүй байгаа нь инфляц сул хэвээр байх болно гэдгийг харуулж байна, мөн илүү бодлогын дэмжлэг шаардлагатай байна” хэмээжээ.